مهزلة في قطر وتحديدا سوق واقف ( مراقص سوريا عندنا )
وقاحة سوق واقف
اليوم الأحد يوم شاق نوعا ولكن هالمرة شاق على النفسية اللي تكدرت ودائماً أحلم إني انام وأنا مرتاح ومو شايل هم الدنيا والخلق والكثير فسر هالشي
على إنه راح يضرني ولكن ما زلت أحاول جاهد أني أعبر عن رأيي ولو كان مجرد كلام يكتب
على الهواء وقد لا يقرأه الا القليل ولكن سأبدأ بسرد القصة كامله وصدقوني اني وانا
اكتب هالكلام قلبي متقطع ومحروق على اللي شفته
اليوم كان هناك عشا عند أحد القرايب بمناسبة عودة أحوه من الحج فكلنا صلينا العشاء ورحنا عليهم نسلم ونقضي وقت ممتع
جلسنا وسولفنا وتحمدناله بالسلامة ودارت الاحاديث وتبادلنا الحوار والأمور العامة وأمور الحج ومواقف هالشخص حتى جا موعد العشاء
تعشينا وحمدنا الله على النعمة وبعد العشاء مباشرة أنا طلعت وهذا طبعا بعد الإستإذان رحت ومريت واحد من الربع عشان نطلع للسوق وتحديدا سوق واقف من اجل شراء بعد الإحتياجات مثل جاكيت
وشماغ شال و و و و
خبركم مستلزمات البرد وما شاء الله كل شي غالي وبأسعار تفوق الخيال
يعني يقصون عليك عيني عينك المهم تمشينا بالمنطقة الخلفية للسوق اللي عند الشيشة وأنا أسميه عزبة السفلة لأنه ما يدخلها غير سافل وسفيه ولا تقولولي ليش
الشي المستغرب هو البنات اللي يشيشون ؟
لهالدرجة صارت الشيشة للبنات شي عادي ؟
ولا عاد الخوال وانا أسميهم العبيد وكلنا ان شاء الله عبيد لله لأنه بصراحة امورهم صارت دايما تتنافى مع عاداتنا وسنعنا واستثني منهم البعض
يعني البنات صاروا لمستوى اوقح من الوقاحة
مو هذا موضوعنا الأساسي
الموضوع الأساسي هو انه وحنا نمشي سمعنا صوت غناء وطرب وايقاعات شامية أشبه بإيقاعات سارية السواس التي تغنى بمراقص سوريا ولحد يظن اني رحت هناك بس انا اسمعها بين الشباب لما يتناقلونها
المهم وصلنا للمكان وكانت حشود قليلة من جنسيات عربية كانت شامية او الأغلب منها شامية وبعض الشباب القطري الهابط اللي اجزم بانه ما دخل قلوبهم اي غيرة او سنع
كانت هناك بعض الكلمات الهابطة اللي يغينها هالسفلي السوري القذر الذي لم يحترم لا دين ولا أخلاق عامة ولا حتى الشعب القطري
والله المنظر كان أشبه بمرقص دعارة
وين الدولة والحكومة عن مثل هذه الأمور
المهم في أثناء غنائه قام يردد أغنية بكلمات هابطة ويقول بعد كل جملة بنات العرب حلوين
وارقصوا يا بنات ومادري ايش
حتى وصل لبنات قطر وبنات البدو
هني ثارت بي الغيرة وقطعت الجمهور اصارخ بوجه هالوقح حتى التموا ربعي حواليني وهدوني وخذوني بعيد عن المكان
ردينا البيت وأنا قلبي يتقطع على المنظر اللي شفته
لا حول ولا قوة الا بالله العلي العظيم
تحياتي
سعود
December 24, 2007 في الساعة 3:27 pm
السلام عليكم.. مساك الله بالخير
للاسف اخوي بوعبدالعزيز ان هالحال مؤلم
من جذيه افتشل من هالمكان.. على ان
لازم يكون مكان محوط بالعادات والتقالي
لأن يمّت للماضي بصله وثيقه!
دولتنا تبني والسفلى يهدمون
وبعدين هالاجانب ماوراهم الا عوار الراس =$
December 25, 2007 في الساعة 1:22 am
يا هلا بفاطمة
وين هالغيبة خيوووو ، اي والله صدقتي ما وراهم غير عوار الراس
December 25, 2007 في الساعة 1:47 am
والله نحن هنا.. قد مانقدر =$
وترا غيباتك واجده
لكن نغض النظر..
لاتقطعنا بالعلوم الطيبه سعود
December 25, 2007 في الساعة 8:48 pm
أخوي سعود… مرحبا الساع
الله يعينكم
ترا هذا إبتلاء من الله
والي سووه ربعك غلط
كان المفروض إنكم تتجمعون وتصارخون في ويوهم وتحتجون لين ماتي الشرطه وتسكر المكان
هالأمور الهابطه إذا تغاضينا عنها بيفتكرون انه الشعب راضي
فبيتمادون
اليوم مرقص وهشك بشك …. ونارجيله وشيشه
باجر حتى الشرب عيني عينك
ترا عندنا بدا الحال بنفس الشكل … نشوف ننصدم بس نقول خلهم يولون … والنتيجه إنه المرض إستشرى مب بي فيهم وفينا وفي عيالنا
شبابنا وبناتنا يشوفون هالأشكال… وانه الناس عادي عندها فيدخلون قهوه وعصير وموسيقى وجمعه مع الأحباب لين ماتصير ليالي حمرا والعياذ بالله
الله يجيركم من هالبلاوي
وعاد سوق واقف أنا حبيته وايد زرناه في عيد الفطر وعجبتني الفكره … وفعلا نقطة جذب سياحي للأجانب ولأهل الدار
December 25, 2007 في الساعة 11:45 pm
عائشة نورتي المكان والمدونة
فعلا شي يحز بالخاطر وما زالت الروح حية فيني لكن المشكلة والبلا لا ماتت هالروح مثل ما ماتت الغيرة عند شبابنا اللي كانوا يرقصون على هالكلمات الهابطة والأغاني .
December 27, 2007 في الساعة 11:27 pm
اخوي سعود..السلام عليكم ورحمه الله وبركاته…
تسلم اخوي ما تقصر على كلامك اللي قلته لي وانا اعتبرك اكثر من
اخ افديك بالغالي يا اخوي….
انا بموضوع سوق واقف صار السموحه لا مجهودات الحكومه في ارجاع التراث وتعرفيه لابنائها صار ( مرقص واقف )….
يا ليتني كنت رفيجك عشان ذاك الوقت اساعدك واكفخ ذي السوري اللي يتكلم على بناتنا اصلا ما لقي احد يوقفه عند حده..
وتعجبني غيرتك على بلادك يا سعـــود…
خوفي ذي الشيء يصير داخل بيوتنا ومانقدر نقول كلمه (( لا ))
…………………….
وفضفض ترا احسن من السكوت اللي يولد الانفجاروبعدين اتضيع من ايدينا وما نقدر نجيب واحد مثل شرواك في غيرته لبلاده..
وتحياتي……….
December 28, 2007 في الساعة 12:43 pm
يالغريب ، نورت المكان يالغالي
وأتشرف بخوتك يالأصيل ولكن ،، لنفرض اننا كفخنا هالخايس بنظرك ان الحكومة راح تخلينا ؟؟
بيطلعونا مجرمين ومعتدين ويمكن عدوين لاقتصاد البلد
ومثل ما تفضلت صار اسم السوق مرقص واقف
December 28, 2007 في الساعة 7:43 pm
تسلم اخ سعود
ما اعتقد بس كذا.. لا وبعد بتطلعنا مجانين
اذا ما اسحبت جوازتنا مثل ما سووا لبعض الناس….
عيل تبنينا نصفق للسوري ونقط عليه ونرقص الدبكه السوريه
هذا اللي ناقص …..
وتقبل تحياتي….
December 31, 2007 في الساعة 12:03 pm
الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد … كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و بلادنا أحسن …. بدري بدري كده قبل الزحمه
January 3, 2008 في الساعة 11:59 pm
الله يكثر من أمثالك يا سعود..
نادر في هالزمن من الشباب من يحمل الغيرة على اعراض المسلمين وبنات المسلمين ويترفع عن أماكن السفلة ..
الله يثبتك على الحق ويحميك من شرار الإنس والجن ويهدي شباب المسلمين..