بآخر الليل بساطة وإحباط
الآن الساعة 2 و52 دقيقة يعني آخر الليل ، السبب اللي خلاني أكون موجود هالوقت على النترنت هو كالتالي:
رجعت من الجامعة على الساعة 6 في الليل تقريبا وكنت مرهق شوي وأحس بدوخة فصليت العشا وتعشيت ونمت بنوم عميق حتى الساعة الـ 1
منتصف الليل قمن من النوم وأنا ألوم نفسي على الوقت الطويل اللي نمته بدون لا أكون مع الناس في لحظة تواجدهم
كان جوالي مطفي من حاله ويوم فتحته كانت الإتصالات كثيرة والرسايل ايضا كثيره
لأنه مو بالعادة يغيب سعود هذي اللحظة عن العالم حاولت ارد على الرسايل اللي اقدر ارد عليها
والبعض تجاهلتها لعدم أهميتها ، قمت من السرير ة غسلت وجهي وشربت ماي وكنت جوعان ، فبدأت رحلة البحث عن الطعام بداخل المطبخ
وللأسف ما لقيت شي يأكل ، لأنه تعرفون بآخر الليل ، يعني جيت بالوقت الضايع والمطبخ عندنا شطب وأغلق باب استقبال الطلبات
فقررت الخروج بالسيارة والبحث عن مطعم قريب بس للأسف ما حصلت لأنه خبركم منطقتنا شوي خاصة وما فيها مرفقات عامة حيوية مثل المطاعم وغيره
درت وأنا أطالع المنطقة وفاتح الدرايش كاملة ومستمتع بالهوا البارد فجأة سمعت أصوات ناس وكلام وكأنها قعدات لشباب ما وطبعا لأن صوت الهوا اقوى
من الصوت اللي اسمعه ولكن فعلا طرت فبالي مقولة البيوت أسرار والله أعلم شاللي يدور بهاللحظة بكل بيت
طبعاأكيد البعض سعيد والبعض حزين والبعض مثلي حاير بأمره وتايه بين ممرات فكره
كملت جولتي الى طريق داخلي بالمنطقة طويل شوي
واستغربت من بعض البيوت اللي انبنت مؤخراً
ما كنت اشوفها لأني ما مريت من هالشارع من فترة طويلة
كملت جولتي ورديت البيت وأنا محبط وجوعان
وجيت جلست على الانترنت
موضوع بسيط حبيت انشط فيه المدونة
تحياتي / سعود من منتصف الليل
January 1, 2008 في الساعة 3:37 am
والي يقولك حتى انا توي قايمه
وكان يومي طويل بالجامعه من7 لين 4 = \
توي قايمه =$
مسجاتي وصلت ال5 بس ;p
كلهم عن السنه الجديده
ان شاء الله بعد شوي بكتب شي مشابه
للي انت نزلته !
لول الناس وقت نومها واحنا تونا نغسل وجوهنا XP
بوست يونس بوعبدالعزيز ; )
يبه مافي غير تنبش هني وهناك عشان تلقى شي ينأكل
سولك شاهي وحطلك جبن وقصص لك طماطم
وكل وياهم خبزه..
January 1, 2008 في الساعة 3:53 am
فاطمة @@
متى رديتي ؟؟؟؟ يه توي كاتب الموضوع وبعدين انتي بنت ما تقدرين تطلعين مثلي ……
تعليق أسعدني وتواجد جميل ، بس شلون طماط مع جبن ؟ ووين اسوي شاي بصراحة مالي خلق ،،
وشكرا مرة ثانية
ألحين عرفت اني مو الوحيد اللي قاعد بهالحزة ^_^
سعود
January 1, 2008 في الساعة 4:07 am
لووووووووووووووووووووووووووووولز
شفت شلون نعمة حياة المدونين p;
اوبس اسفه على السرعه XO
طماط وجبنه مالحه وصبّ عليهم زيت زيتون X ‘)
كل شي مفيد !
العفو ولو ^_^
January 1, 2008 في الساعة 4:23 am
^_^
بجرب هالوصفة بس ان غبت يومين عن المدونة انتي المسؤولة
يعني يا ناس لا صار فيني شي روحوا لفاطمة قطر
ثاتكس خيووو
January 1, 2008 في الساعة 4:40 am
لوووووووووووووووولز @@
ماراح اسوي خير مره ثانيه XP
J\k ^^
وافا عليك.. العشرج جاهز ^_*
لاتنام ..بعد شوي بنزل البوست XD
اشكر حسن تعاونكم يا العضيد X ‘)
January 1, 2008 في الساعة 4:50 am
ههههههه شكلج تكثرين اتصالاتج بالعضيد الله الله بالناس بس
أنا بروح أصلي الفجر وبرجع ^_^
January 1, 2008 في الساعة 5:08 am
لووووووولز… لين احين ماجربت اعرض خدمتي على العضيد p;
من سبّة اللوحه الاعلانيه صوب اشارات السودان X \
حفضتها.. من كثر مامر عليها يوميّن -_-”
نزلت البوست XD
تقبل الله طاعتك.. حتى انا ^_^
January 1, 2008 في الساعة 12:08 pm
هلا سعود….
كل سنه وانت بخير وسنه سعيده ومن نجاح لنجاح ….
اتصل على كنتاكي والا هارديز شغالين هالحزه …….
يومي امس عصيب بالصباح بس بعدين لي سعيد وللرومآت حزين كان عندنا البارحه امتحان لجنه يمتحنونا 3 اخصاصين بالقسم حظي انا و وياه ردي وطحنا بلجنه مب شيء ….
المهم انا بصعوبه طلعت وحاولت اجاوب لاسئلتهم الصعبه تقول مب امتحن قاعد يناقشون لي رساله ماجستير اهلكنوني لكن عديت بفضل ربي ودعوه الوالده طبعا…
قلت لرفيجي انتبه تراهم غسلوا شراعي ولما ياها دوره ضاع باسلتهم واعطاوه درجه اف كان يوم عصيب وحزين ودعته فيه نهايه 2007 بس الامل موجود بسنه 2008 ….
السموحه على الاطاله يا سعود…
وكل وعام وانت وكل المعلقين بالمدونه بخير….
January 1, 2008 في الساعة 12:21 pm
مرحبا يالغريب ولكموووووووووو على قولة البعض
نورت المدونة عزيزي
فعلا ما كل حزة تكون سعيدة وما كل سعادة تكمل لكن مثل ما قلت الامل بسنة 2008 مع انه ادري انها ارذل من اللي قبلها.
وهارديز وكنتاكي بعيدين ويبيلهم ساعة لين ما يوصلون
اسعدني تواجدك وكل عام وانت بخير
January 1, 2008 في الساعة 1:37 pm
غريب.. موووووفق بالخير..
وبعدين لاتنسون ان بعد لكل فارس شجاح كبّوه ^_^
أيامك سعيده يا الطيب
January 1, 2008 في الساعة 9:36 pm
تسلمين يا فاطمه قطر
متشقق خليتني فارس ولا بعد شجاع
وايامك سعيده
January 1, 2008 في الساعة 11:06 pm
والله تستاهلون ياعيال بلادي..
الله يرضى عليك ..ويسعدك دووووم ^_^
January 1, 2008 في الساعة 11:13 pm